एनआरएनएको नयाँ नेतृत्वका लागि १० बजेदेखि मतदान
नेपालखोज
२०७६ असोज ३० गते ११:३६
काठमाडौँ । गैरआवासीय नेपाली संघ (एनआरएनए) को नयाँ कार्यसमिति चयनका आज (बिहीबार) बिहान १० बजेदेखि मतदान हुने भएको छ । बुधबार भोटिङ मेसिनले काम नगरेपछि रोकिएको मतदान आज हुन लागेको हो ।
बुधबार साँझ ८ बजे एकजना मतदाताले भोट हालेपछि मेसिनले काम नगरेको भन्दै स्थगित गरिएको थियो ।
निर्वाचन समिति सदस्य कुलप्रसाद पाण्डेले बिहान १० बजेदेखि मतपत्रका आधारमा मतदान हुने जानकारी दिए । उनका अनुसार मतदानको समय बिहान १० देखि ३ बजेसम्म तोकिएको छ । उनले भने, ‘सेड्युयल अनुसार निर्वाचन हुन्छ । कुनै समस्या हुँदैन । रातभरी हामी त्यसकै तयारीमा थियौं ।’
सम्बन्धित
प्रतिक्रिया