शुक्रबार, चैत १६, २०८०

नेप्सेमा झिनो सुधार

नेपालखोज २०७६ पुष २४ गते १७:५१

२४ पुस , काठमाडौं । अधितोपत्र बजारमा शेयर कारोवार मापक नेप्से परिसूचक आज सामान्य अङ्कले बढेको छ । साताको तीन दिन बजार बढे पनि बुधबार भने सामान्य अङ्कले घटेको नेप्सेमा आज भने झिनो अङ्कको सुधार देखिएको हो । नेपाल स्टक एक्सचेञ्जका अनुसार आज नेप्से ३।५१ ले वृद्धि भई एक हजार २१३।११ मा पुगेको हो । यस्तै सेन्सेटिभ परिसूचक ०।९५ ले वृद्धि भई २६४।२६ मा पुगेको छ । नेप्सेमा जस्तै सुधार कारोवार रकममा पनि देखिएको छ । कूल १७७ कम्पनीको ३८ लाख ४९ हजार ७२२ कित्ता शेयर ८३ करोड ७० लाख ३५ हजार ७५७ मूल्यमा खरीद बिक्री भए ।

नेप्सेका अनुसार कारोवार भएका कूल १२ उपसमूहमध्ये आज पाँच उपसमूहको शेयर उकालो लाग्दा सात उपसमूहको शेयर भने ओरालो लागे । बैंकिङ १।४२, होटल ६।३९, जलविद्युत् १।०५, वित्त ०।३४, उत्पादन १०।५१, अन्य २।५६ र सामूहिक लगानी कोष ०।०७ ले घट्दा व्यापार ४।२५, विकास बैंक ६।७९, निर्जीवन बीमा ९५।४१, लघुवित्त ६३ र जीवन बीमा १९।१२ ले बढेको छ ।

कारोवारका आधारमा आज सिभिल बैंक शीर्षस्थानमा रहेको छ । सो बैंकको संस्थापक शेयर मात्रै रु २० करोड १८ लाख ८८ हजार १०० को कारोवार भयो । गरिमा विकास लघुवित्त वित्तीय संस्था रु दुई करोड ३६ लाख २४ हजार १८, डिप्रोक्स लघुवित्त वित्तीय संस्था रु दुई करोड २४ लाख ३३ हजार ५१८, फष्ट माइक्रोफाइनान्स डेभलपमेन्ट बैंक रु एक करोड ७० लाख २७ हजार ६०२, बोमी माइक्रोफाइनान्स वित्तीय संस्था रु एक करोड ६८ लाख २८ हजार १०८, साना किसान विकास बैंक रु एक करोड ५८ लाख २४ हजार ३४३ र प्रभु बैंकको रु एक करोड ५४ लाख ७८ हजार १६५ बराबरको कारोवार भई शीर्षस्थानमा रहे ।

नेप्सेका अनुसार स्वाभिमान लघुवित्त वित्तीय संस्थाका शेयरधनीले १० प्रतिशतले कमाउँदा सपोर्ट माइक्रोफाइनान्स वित्तीय संस्था ९।९८, समता माइक्रोफाइनान्स वित्तीय संस्था ९।९०, घोडीघोडा लघुवित्त वित्तीय संस्था ९।८६, महिला सहयात्रा माइक्रोफाइनान्स वित्तीय संस्था ९।४९, नेपाल सेवा लघुवित्त वित्तीय संस्था ९।३३ र सामुदायिक लघुवित्त वित्तीय संस्थाका शेयरधनीले ९।१० प्रतिशतले कमाए ।

त्यस्तै, रिलायन्स फाइनान्स ५।७३, राष्ट्रिय बीमा कम्पनी लिमिटेडको संस्थापक शेयर ४।८७, सेन्ट्रल फाइनान्स ३।७८, हिमालयन पावर पार्टनर २।६६, नेपाल इन्स्योरेन्स कम्पनी २।५१ र अरुण भ्याली हाइड्रोपावरका शेयरधनीले २।१५ प्रतिशतले गुमाए ।

प्रतिक्रिया