पश्चिमी वायुको प्रभाव सकियो, अधिकांश स्थानको मौसम सफा रहने
नेपालखोज
२०७६ माघ ८ गते १०:१५
८ माघ, काठमाडौँ । नेपालमा सक्रिय पश्चिमी वायुको प्रभाव बुधबार आज भने सकिएको छ । हाल नेपालमा उल्लेखनीय मौसमी प्रणाली नरहेको जल तथा मौसम पूर्वानुमान महाशाखाले जनाएको छ ।
बुधबार आज काठमाडौंको न्यूनतम तापक्रम १ दशमलब ६ डिग्री सेल्सीयस रहेको छ । राजधानीमा न्यूनतम तापक्रम सामान्य थपघट भइरहेको महाशाखाले जनाएको छ ।
आज देशको तराई भूभागका अधिकांश स्थानलगायत पहाडी भूभागका केही स्थानमा हुस्सु र कुहिरो लागेको महाशाखाले जनाएको छ । आज दिउँसो मौसम सामान्यतया सफा रहने र तराईका भूभागमा भने हुस्सु र कुहिरो रहने जनाइएको छ ।
भोलि बिहीबार र पर्सि शुक्रबार पनि मौसम देशैभर सामान्यतया सफा रहने महाशाखाले जनाएको छ । तर, तराई क्षेत्रमा हुस्सु र कुहिरोको प्रभाव रहने पूर्वानुमान महाशाखाले जनाएको छ ।
सम्बन्धित
प्रतिक्रिया