शनिबार, माघ ३, २०७७

उद्योग गरौँ, उद्यमी बनौँ : उठाउ नेपाललाई

नेपालखोज २०७६ फागुन १० गते ९:२३

काभ्रेपलाञ्चोक । नेपाल घरेलु तथा साना उद्योग महासङ्घ काभ्रेपलाञ्चोक शाखाले यही फागुन २१ देखि चैत २ गतेसम्म वाग्मती प्रदेशस्तरीय ‘औद्योगिक प्रदर्शनी तथा घरेलु उद्योग महोत्सव २०७६’ आयोजना गर्ने भएको छ ।

सबै खाले घरेलु वस्तुको प्रदर्शन गर्ने स्थल ‘कोशेली घर’ निर्माणमा सहयोग पु¥याउने ध्येयले प्रथम पटक सो महोत्सव आयोजना गर्न हुन लागेको शुक्रबार यहाँ आयोजित पत्रकार सम्मेलन जानकारी दिइयो ।

बनेपा नगरपालिका–७ उग्रेश्वर महादेव मन्दिर परिसरमा हुने महोत्सवमा १३ वटा नै जिल्लाका घरेलु उद्योगसँग सम्बन्धित उत्पादित वस्तु प्रदर्शनीमा राखिने महासङ्घका अध्यक्ष सुवासना श्रेष्ठले जानकारी दिए ।

७० वटा प्रदर्शनी कक्षमा लप्सी, लालीगुराँस, दुग्ध व्यवसायसँग सम्बन्धित वस्तु ट्राउट माछा, महिला उद्यमीले उत्पादन गरेका वस्तु, ह्याण्डीक्राप्टका सामग्री रहने छ ।

‘नेपाली वस्तु प्रयोग गरौँ, नेपाली भएकोमा गर्व गरौँ, उद्योग गरौँ उद्यमी बनौँ उठाउ नेपाललाई’ भन्ने नाराका साथ आयोजना गर्न लागिएको महोत्सव नेपाल सरकार घरेलु तथा साना उद्योग मन्त्रालय, घरेलु तथा साना उद्योग विकास कोषको सहयोगमा हुन लागेको हो ।

महोत्सवमा ८० हजारले अवलोकन गर्ने अनुमान गरिएकोे छ । आर्थिक वर्ष २०७५÷०७६ को तथ्याङ्क अनुसार काभ्रेपलाञ्चोकमा मात्रै सात हजार ७५४ उद्यमी रहेका छन् ।

प्रतिक्रिया