शनिबार, असोज १५, २०७९

आज पहाडी भेगमा मेघगर्जनसहित वर्षा र हिमाली भेगमा हिमपात हुने सम्भावना

नेपालखोज २०७६ फागुन १८ गते ७:५०

काठमाडौँ । जल तथा मौसम पूर्वानुमान महाशाखाका अनुसार आइतबार देशका पहाडी भेगमा मेघगर्जनसहित वर्षा तथा हिमाली भेगमा हिमपातको सम्भावना रहेको छ ।

महाशाखाकी मौसमविद् सजिना शाक्यका अनुसार आइतबार आज अपराह्नपछि पहाडी भेगका थोरै स्थानमा मेघगर्जन, चट्याङसहित वर्षा हुने सम्भावना देखिएको हो । यस्तै उच्च पहाडी तथा हिमाली भेगका केही स्थानमा हिउँ पर्ने सम्भावना छ ।

तर पश्चिमी भेगका पहाड तथा तराई सबै स्थानमा आज वर्षाको सम्भावना देखिएको मौसमविद् शाक्यले बताइन् ।

यस्तै काठमाडौं उपत्यकामा पनि अपराह्नपछि मौसम बदली भई फाट्टफुट्ट वर्षाको सम्भावना छ । तर यो सम्भावना एकदम कम रहेको र वर्षा भए पनि सबैतिर नभएर कतै कतै हुन सक्ने महाशाखाको अनुमान छ ।

प्रतिक्रिया