शुक्रबार, असार १, २०८१

चार नाकाबाट मात्रै नेपाल–भारत आवत–जावत गर्न पाइने

नेपालखोज २०७६ चैत १ गते १३:५२

काठमाडौं । अब चार नाकाबाट मात्रै नेपाल–भारत आवत–जावत गर्न पाइने भएको छ । कोरोना भाइरसको महामारी रोकथामका लागि भारत सरकारले नेपालसँग सिमाना जोडिएका बनबासा, सुनौली, रक्सौल र रानीगञ्जबाहेक सबै नाकाहरु बन्द गर्ने भएको छ ।

भोलीराति १२ बजेदेखि लागु हुनेगरि अब नेपालीले भारत आवत–जावत गर्दा उत्तराखण्डको बनबासा, उत्तरप्रदेशको सुनौली, बिहारको रक्सौल र पश्चिम बंगालको रानीगञ्ज नाकामात्रै प्रयोग गर्न पाउनेछन् ।

नेपाल–भारत आवत–जावत गर्ने अन्य सबै नाकाहरु भने बन्द हुनेछन् । प्रवेश अनुमति पाएका देशका नागरिकहरुले अनिवार्य परिचय पत्र बोक्नुपर्ने र सिमानामा स्वास्थ्य जाँच गराउनुपर्ने छ ।

भारतमा कोरोना भाइरसका कारण अहिलेसम्म दुई जनाको मृत्यु भएको छ भने ८२ जनामा संक्रमण भएको पुष्टि भएको छ ।

प्रतिक्रिया