कोभिड–१९ रोकथाम र नियन्त्रणका लागि क्षमादेवीको १० लाख ११ हजार १ सय ११ सहयोग
नेपालखोज
२०७६ चैत २६ गते १९:०९
काठमाण्डौ । कोरोना भाइरस (कोभिड–१९) सङ्क्रमण रोकथाम, नियन्त्रण तथा उपचारका लागि सरकारले स्थापना गरेको कोषमा क्षमादेवी ग्रुपले १० लाख ११ हजार १ सय ११ रुपैयाँ सहयोग गरेको छ ।
ग्रुपका जयराम अर्यालका अनुसार मंगलबार प्रधानमन्त्री तथा मन्त्रिपरिषद् कार्यालयका सचिव नारायणप्रसाद बिडारीलाई १० लाख ११ हजार १ सय ११ रुपैयाँको चेक हस्तान्तरण गरिएको थियो ।
कोभिड १९ रोकथाम, नियन्त्रण तथा उपचारका लागि अत्यावश्यक व्यक्तिगत सुरक्षा उपकरण (पीपीई), स्वास्थ्य सामग्री, पीसीआर परीक्षण किट किन्न तथा क्वारेन्टाइनका साथै सङ्क्रमित बिरामीको उपचारमा सहयोग पुग्ने अपेक्षा क्षमादेवी ग्रुपले गरेको छ ।
सम्बन्धित
प्रतिक्रिया