नेपालगञ्जमा प्रहरी र स्थानीयबीच झडप

बाँके । नेपालगञ्जमा प्रहरी र स्थानीयबीच झडप भएको छ ।

बिहान ११ बजेसम्म अत्याश्वयक सामग्री खरिदका लागि बजारमा निस्किन अनुमति दिएको थियो । तर, बजारमा भिड बढेपछि प्रहरीले तितरवितर पार्न खोजेको थियो ।

सोहि क्रममा त्रिवेणी चोकमा होहल्ला गरेको आरोपमा एक जना व्यक्तिलाई प्रक्राउ गरेको थियो । पक्राउ गरेपछि आक्रोशित भिडले प्रहरीमाथि नै ढुंगामुढा गरेको जिल्ला प्रहरी कार्यालय, बाँकेले जनाएको छ ।

त्यसक्रममा स्थानीयले वडा प्रहरी कार्यालयको बा १ झ ८२८४ नम्बरको गाडीमा ढुंगामुढा गरेका थिए । अहिले स्थिति नियन्त्रण आइसकेको प्रहरीले जनाएको छ ।