२४ जनामा कोरोना संक्रमण पुष्टि, नेपालमा संक्रमितको संख्या २ सय ४३ पुग्यो

काठमाडौं । नेपालमा कोरोना संक्रमणको संख्या दिनप्रतिदिन बढ्दै गईरहेको छ ।  बुधबार मात्र २४ जना व्यक्तिहरुमा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयद्धारा जारी गरिएको विज्ञप्ति अनुसार रुपन्देही, कपिलवस्तु, पर्सा र नवलपरासीमा थप २४ जनामा कोरोना संक्रमण देखिएको छ । थप २४ जना सहित नेपालमा कोरोना संक्रमितको संख्या २ सय ४३ जना पुगेका छन् ।

बुधबार साँझ स्वास्थ्य तथा जनसंख्या मन्त्रालयले दिएको जानकारीअनुसार रुपन्देही, कपिलवस्तु, पर्सा र नवलपरासीमा कोरोना संक्रमित भेटिएका हुन् । यो सँगै कोरोना संक्रमितको संख्या २ सय ४३ पुगेको छ ।