रुकुम घटनाको विरोधमा माइतीघरमा प्रदर्शन

काठमाडौँ । रुकुमको चौरजहारी हत्याकाण्डको विरोधमा काठमाडौँको माइतीघरमा आज पनि प्रदर्शन भएको छ । विभिन्न संघ संस्थाको आयोजनामा माइतीघरमा प्रदर्शन भएको हो ।

प्रदर्शनका सहभागीहरुले रुकुम चौरजहारी हत्याकाण्डका दोषीहरुलाई कानुनी कारबाहीको माग गरेका छन् ।

गत शनिबार प्रेमिका लिन १८ जना साथीका साथ गएका जाजरकोटका नवराज विकसहितको टोलीलाई रुकुमको चौरजहारीस्थित सोती गाउँका गाउँलेहरुले आक्रमण गरेका थिए ।

गाउँलेहरुको आक्रमणमा परी नवराजसहित पाँचजनाको मृत्यु भएको छ भने एक जना बेपत्ता छन् ।