मंगलबार, चैत ४, २०८१

भारतले ५६ वटा उच्च माध्यमिक विद्यालयको पुनःनिर्माण गरिदिने

नेपालखोज २०७७ जेठ २७ गते १९:५५

काठमाडौं । भारतीय दूतावासले नेपालका विभिन्न ५६ वटा उच्च माध्यमिक विद्यालय पुर्ननिर्माणका लागि सहयोग गर्ने भएको छ ।

Advertisement

दूतावासले गोरखा, नुवाकोट, धादिङ्, दोलखा, काभ्रेपलाञ्चोक, रामेछाप र सिन्धुपाल्चोक जिल्लामा ५६ वटा उच्च माध्यमिक विद्यालयको पुनःनिर्माणका लागि नेपाल सरकार शिक्षा मन्त्रालय अन्तर्गतको केन्द्रीय आयोजना कार्यान्वयन इकाइले ७ वटा सम्झौतापत्रमा हस्ताक्षर गरेको छ ।

नेपालमा भूकम्प पश्चातको पुनर्निर्माण कार्यक्रम अन्तर्गत भारत सरकारको नेरु २.९५ अर्ब आर्थिक सहयोगमा यी विद्यालयहरुको पुनःनिर्माण गर्न लागेको हो ।

दूतावासको सहयोगमा निर्माण हुने विद्यालयहरु भूकम्प प्रतिरोधी क्षमताको हुने र त्यसका लागि विद्यालयहरु नेपाल सरकारले तोकेको मापदण्ड अनुरुप पुनःनिर्माण हुनेछन् । विद्यालय पूर्वाधारमा शैक्षिक भवन, कक्षाकोठा, फर्निचर र छात्र तथा छात्राका लागि छुट्टै सरसफाइको सुविधा रहेको छ ।

भूकम्प प्रतिरोधी संरचना पुनर्निर्माणको क्षेत्रमा भारतकै प्रमुख संस्थान केन्द्रीय भवन अनुसन्धान संस्थान, रुड्कीले यी विद्यालयहरुको पुनःनिर्माणको लागि प्राविधिक सहयोग प्रदान गर्नेछ ।

प्रतिक्रिया