र्याली अफ होपः कोभिड महामारीबीचको एक विश्वव्यापी रचना

काठमाडौं । अगस्ट ९ अर्थात साउन २५ गते आईतबार दक्षिण कोरियाबाट सञ्चालन गरिएको र्याली अफ होपमा संसारभरका करिब १९४ देशका दशलाख भन्दा बढी सहभागिहरूले प्रत्यक्ष रुपमा सहभागिता जनाएका थिए । टेलिभिजन तथा विभिन्न सामाजिक संजालहरूका माध्यमबाट करिब १ करोड मानिसहरूले कार्यक्रमलाई हेरेका थिए ।

कोभिड १९ ले विश्वमा अकल्पनीय क्षति पुर्याएको छ । लाखौं मानिसहरूले मृत्युवरण गरिसकेका छन् । संख्या अझै बढ्दो क्रममा नै छ । यद्यपी, कोभिड १९ पछिको आर्थिक, सामाजिक, मनोसामाजिक, र राजनीतिक अवस्थाको सामना गर्न निकै मुस्किल पर्ने देखिन्छ । द्वन्द्व र लघुताभाषमा फसेको विश्व नेतृत्वलाई यस ¥याली अफ होपले दृष्टिकोण उपलब्ध गराएको छ ।

यस समारोहले दिग्गज वक्ताहरूलाई मञ्च प्रदान गर्यो । संयुक्त राष्ट्रसंघीय पूर्व महासचिव, वान की मुनले पाहुना तथा विश्वभरका सहभागीहरूलाई स्वागत गरेको कार्यक्रममा राष्ट्रपति डोनाल्ड ट्रम्पका अध्यात्मिक सल्लाहकार पावला ह्वाइटले स्तुति घोष गरेकी थिइन् भने हाउस अफ कउन्सिलर जापानका पूर्व अध्यक्ष माननीय चुइची दाते र अमेरिकी प्रतिनिधि सभाका पूर्व सभामुख माननीय न्युट ग्रिनगिचले बधाई सन्देश दिएका थिए ।

कम्बोडियाका प्रधानमन्त्री सम्देच हुन सेन, सेनेगलका राष्ट्रपति म्याक्की साल, निजरका प्रधानमन्त्री ब्रिजी राफिनी, क्यानाडाका पूर्व प्रधानमन्त्री, स्टेफन हार्फर, अल्बेनियाका पूर्व राष्ट्रपति अल्फ्रेड मोइस्यू, र ग्वाटेमालाका पूर्व राष्ट्रपति जिमी मोरालेस थिए । अन्त्यमा युनिभर्सल पीस फेडेरेसनकी सहसंस्थापिका, र्याली अफ होप कि संयोजनकर्ता तथा मदर अफ पीस, डा. हाक जा हान मुनले विशेष मन्तव्य दिनुभएको थियो । मदर मुनले भन्नुभयो कि हामी अब परिवारमा केन्द्रित सर्वव्यापक नैतिक एवं अध्यात्मिक मूल्यमान्यतातर्फ फर्कनु आवश्यक छ । विगत २ वर्षभित्रमा विश्वका विभिन्न देशहरूमा १४ वटा शिखर सम्मेलन सम्पन्न गर्नुभएकी डा. मुनले विश्व एक घर विश्वका सम्पूर्ण मानिसहरू एक परिवार तथा वसुदैव कुटुम्बकम को मान्यतालाई जोड दिँदै भन्नुभयो कि यो नै हाम्रो सम्पदा र अगाडिको बाटो दुवै हो ।

युनिभर्सल पीस फेडेरेसनको ब्यानरमा आयोजित सम्मेलन विगत ३ महिनामा भएका शिखर सम्मेलनहरूको शृंखला थियो, जहाँ ४० भन्दा बढी राष्ट्राध्यक्ष तथा प्रथम महिलाहरूले सहभागिता जनाएका थिए भने युवा, महिला, बाणिज्य, प्राज्ञिक, मिडियालगायत क्षेत्रका नेतृत्वहरूले पनि सहभागिता जनाएका थिए । यस किसिमको विश्वव्यापी सम्मेलन यो वर्षको अन्त्यसम्म प्रत्येक महिना आयोजना गरिने छ । प्रत्येक महिना हुने भेला प्राज्ञिक, व्यवसायिक, मिडिया, अन्तर्धार्मिक तथा संसदहरू जस्ता फरक फरक समूहमा केन्द्रित रहनेछ ।