कैलालीको घोडाघोडी आइसोलेशनमा एक महिलाको मृत्यु

कैलाली । कैलालीको घोडाघोडी नगरपालिकाको आइसोलेशनमा रहेकी एक महिलाको मृत्यु भएको छ । घोडाघोडी नगरपालिका वडा नम्बर ११ को आइसोलेशनमा रहेकी ३५ वर्षीया महिलाको गएराति मृत्यु भएको प्रहरीले जनाएको छ ।

जिल्ला प्रहरी कार्यालय कैलालीका प्रहरी निरीक्षक दानबहादुर रोकायाका अनुसार दुबै मृगौलाले काम नगर्ने हुँदा अस्पतालले उपचार सम्भव नभएको भनेपछि भारतबाट घर ल्याइएको थियो ।

मृतकको स्थायी घर बझाङ रहेको पनि प्रहरी निरीक्षक रोकायाले बताए ।  मृतकको स्वाब संकलन गरी परीक्षण गरिने छ ।