जर्मन बुण्डेस लिगा : फ्र्यांकफर्टमाथि बायर्नको शानदार जित
नेपालखोज
२०७७ कार्तिक ९ गते ८:०३
एजेन्सी । जर्मन बुण्डेस लिगा फुटबलअन्तर्गत शनिबार राति भएको खेलमा बायर्न म्युनिखले फ्र्यांकफर्टलाई ५–० ले पराजित गरेको छ।
बायर्नको जितमा रोबर्ट लेवान्डोस्कीले कीर्तिमानी ह्याट्रिक गरे। उनले १०, २६ र ६० औँ मिनेटमा गोल गरी ह्याट्रिक पूरा गरेका हुन्। त्यसपछि ७२ औँ मिनेटमा लिरोय साने तथा ९० औँ मिनेटमा जमाल मुसिएलाले गोल गरी घरेलु टोली बार्यनलाई शानदार जित दिलाए।
लेवान्डोस्की बुण्डेस लिगाको एक सिजनमा सुरुका पाँच खेलमा १० गोल गर्ने पहिलो खेलाडी बनेका छन् । जित निकालेको बायर्न पाँच खेलबाट १२ अंकसहित दोस्रो स्थानमा पुगेको छ ।
शीर्ष स्थानको आरबी लेइप्जिग भन्दा एक अंकले पछि रहेको छ । लेइप्जिगले हेर्थ बर्लिनलाई २९१ ले पराजित गरेपछि पाँच खेलबाट १३ अंक बनाएको छ ।
सम्बन्धित
प्रतिक्रिया