बन्दुकधारीको आक्रमणमा परी नाइजेरियामा छ जनाको मृत्यु

काठमाडौं । सरकारद्वारा नियन्त्रित दुई ओटा इलाकामा भएको सो आक्रमणमा परी छ सर्वसाधारणको मृत्यु हुनुको साथै अन्य आठ घाइते भएको समाचारहरुमा जनाइएको छ ।

बन्दुकधारीहरुले चुकुन र गिवा क्षेत्रका केही समुदायमा ठूलो संख्यामा छापा मारेका राज्यका आन्तरिक सुरक्षा र गृह मामिलाका आयुक्त शमूएल अरुवानले बताएका छन् ।

नाइजेरियाको उत्तरपश्चिम भागमा पर्ने कुदुना राज्यमा अपरिचित बन्दुकधारीहरुले आक्रमण गरेका हुन् ।

घटनाको अनुसन्धान शुरु भएको अरुवानले बताएका छन्। नाइजेरियाको उत्तरपश्चिम क्षेत्रमा धेरै समय अघिदेखि अपहरण र अन्य आपराधिक गतिविधिका घटनाहरु व्याप्त रहेका छन् ।

नाइजेरियाको सरकारको लागि यो सुरक्षा चुनौति रहेको छ ।