बालिका बेच्न खोज्ने दलाल पक्राउ, बालिकाको उद्धार

धनुषा । सात वर्षीया बालिकालाई धनुषाको सीमावर्ती जटही नाकाबाट ललाइफकाई भारततर्फ लागिरहेको अवस्थामा उद्धार गरिएको सशस्त्र प्रहरीले जनाएको छ ।

सात वर्षीया काजल दास सय बिघा निवासी हुन् ।

उनलाई ललाइफकाई भारततर्फ लागिरहेको अवस्थामा सशस्त्र प्रहरीले उद्धार गरेको ससस्त्र प्रहरी बल जटहीले जानकारी दिएको हो ।

साथै बालिकालाई बेच्न लगिरहेको दुई जना दलाललाई पनि पक्राउ गरिएको छ ।

पक्राउ पर्नेमा जनकपुरधाम उपमहानगरपालिका–१४ का मनोज महतो र भारत मधुबनी जिल्लाका चन्दनराम रहेका छन् ।

उनीहरुमाथि मानव बेचविखनको कानुन अनुसार कारबाही हुने पनि सशस्त्रले जनाएको छ ।