रामायणमा आधारित दुई भिन्न फिल्म निर्माण गर्दै मधु मन्टेना र ओम राउत

मुम्बई । रामायणमा आधारित भएर बलिउडमा दुई वटा ठूलो बजेटका फिल्म बन्दै छन् ।

बलिउडका फिल्म निर्माता मधु मन्टेना तथा फिल्म निर्देशक ओम राउतले रामायणमा आधारित भएर दुई भिन्न फिल्म निर्माण गर्ने घोषणा गरेका छन् ।

निर्माता मन्टेनाको उक्त फिल्म थ्रि–डी प्रविधिमा आधारित हुनेछ, जसमा उत्कृष्ट इफेक्टको प्रयोग गरिनेछ ।

यो फिल्मका कलाकारको छनोट भइरहेको छ ।

फिल्ममा दीपिका पादुकोण र रितिक रोशन निश्चित भइसकेका छन् भने दक्षिण भारतीय फिल्मका अभिनेता महेश बाबुलाई यस फिल्मका लागि प्रस्ताव गरिएको छ ।

फिल्मसंग सम्बन्धित मानिसहरुका अनुसार दीपिका पादुकोण फिल्ममा सीताको भूमिकामा तथा रितिक रोशन रावणको भूमिकामा प्रस्तुत हुनेछन् ।

महेश बाबू फिल्ममा श्रीरामको भूमिकामा देखिने छन् ।

यद्यपि महेशले अहिले यस फिल्ममा अभिनय गर्ने अथवा नगर्ने बारेमा कुनै किसिमको जवाफ दिइसकेका छैनन् ।

त्यस्तै, फिल्म निर्देशक ओम राउतले पनि ठूलो बजेटमा रामायणमा आधारित पिल्म बनाउन लागेका छन्, जसमा दक्षिण भारतीय अभिनयता प्रभासले रामको भूमिका निभाउने छन् भने रावणको भूमिकामा सैफ अली खानले देखिनेछन् ।

सीताको भूमिकामा कृति सेननलाई देखिने भएको छ ।