क्यानद्वारा दोस्रो चरणको बन्द प्रशिक्षण शुरु

काठमाडौं । नेपाल क्रिकेट संघ (क्यान) ले आजदेखि दोस्रो चरणको बन्द प्रशिक्षण शुरु गर्दै छ ।

नेपाली टिमका मुख्य प्रशिक्षक डेभ वाटमोरको नेतृत्वमा नेपाली टिमले आईसीसी विश्व क्रिकेट लिग २ का लागि तयारी शुरु गरेको हो ।

ओमानमा मार्चमा हुने भनिएको प्रतियोगिता कोरोनाका कारण स्थगित भए पनि क्यानले बन्द प्रशिक्षण भने जारी राख्ने जनाएको छ ।

पहिलो चरणको बन्द प्रशिक्षणमा ३२ जना खेलाडी राखेका क्यानले दोस्रो चरणमा भने २० जना खेलाडीलाई मात्रै समावेश गरेको छ ।

अधिकांश युवा खेलाडीहरु दोस्रो चरणाको प्रशिक्षणमा सहभागी छैनन् । क्यानले हिजो २० जना खेलाडीको सूची सार्वजनिक गरेको हो । सूची अनुसार यसअघि ३२ मा नपरेका बसन्त रेग्मी २० जनाको सूचीमा भने अटाएका छन् ।

प्रधानमन्त्री कप एक दिवसीय क्रिकेटका बेला घाइते भएका आरिफ शेखकको ठाउँमा बसन्तलाई राखिएको जनाइएको छ ।