अपराध महाशाखाको एसएसपीमा कुँवेर खापुङ

काठमाडौं । महानगरीय अपराध महाशाखा बानेश्वरका प्रमुख प्रहरी वरिष्ठ उपरीक्षक (एसएसपी) फेरिएका छन् ।

एसएसपी दिपक थापाको ठाउँमा एसएसपी चन्द्र कुँवेर खापुङलाई गृह मन्त्रालयले काज सरुवा गरेको हो ।

गृहमन्त्री रामबहादुर थापा बादलको निर्णयबाट महाशाखा प्रमुखको प्रहरी प्रधान कार्यालय नक्सालमा सरुवा भएको बताइएको छ ।

थापाको कार्यकालमा महाशाखाले उपत्यकामा भएका ठूला प्रकृतिका अपराधको अनुसन्धानसँगै केही पुराना घटनाको पनि सफल अनुसन्धान गरेको छ । थापाको १२ वैशाखमा महाशाखामा सरुवा भएको थियो ।