सुनको मूल्यमा निरन्तर ओरालो

काठमाडौं । बुधबार ओरालो लागेको सुनको मूल्यमा आज पनि गिरावट आएको छ । नेपाली बजारमा बिहीबार सुनको मूल्यमा ६ सय रुपैयाँले घटेर प्रतितोला ८९ हजार २ सयमा कारोबार भइरहेको छ । बुधबार सुनको मूल्य प्रतितोला ८९ हजार ८ सयमा कारोबार भएको थियो ।

नेपाल सुनचाँदी व्यवसायी महासंघका अनुसार आज तेजाबी सुनको मूल्य ८८ हजार ७ सय ५० तोकीएको छ ।

यस्तै, बिहीबार चाँदीको मूल्यमा पनि सामान्य गिरावट आएको छ । बुधबार एक हजार तीन सय ४० रुपैयाँमा कारोबार भएको चाँदीको मूल्यमा आज ५ रुपैयाँले घटेर प्रतितोला एक हजार तिन सय ३५ रुपैयाँमा कारोबार भइरहेको महासंघले जनाएको छ ।