गोरखामा बस दुर्घटना हुँदा ७ घाइते

गोरखा । गोरखामा आइतबार दिउँसो बस दुर्घटन हुँदा ७ जना घाइते भएका छन् ।

गोरखाबाट नारायणगढका लागि छुटेको ग १ ख ४१०४ नम्बरको मिनीबस आँबुखैरेनी सडक खण्डअन्तर्गत बाह्रकिलोमा दुर्घटना भएको हो ।

बस सडकबाट करिब १५ मिटर तल खसेर दुर्घटना भएको जिल्ला ट्राफिक कार्यालय गोरखाले जनाएको छ । घाइतेहरुको गोरखा अस्पतालमा उपचार भइरहेको र अवस्था सामान्य रहेको जिल्ला ट्राफिक इन्चार्ज मित्रलाल ढकालले बताए ।

यात्रु कुर्ने क्रममा बसलाई स्टार्टमै राखेर चालक ओर्लेको र त्यही बेला गाडी एक्कासी गुड्न पुग्दा दुर्घटना भएको जिल्ला ट्राफिक इन्चार्ज ढकालले जानकारी दिए । चालक प्रहरी नियन्त्रणमा रहेको उनले जानकारी दिए ।