काठमाडौंमा आजपनि विद्युत कटौती, यी स्थानमा जानेछ ६ घण्टा बत्ती

काठमाडौं । काठमाण्डौको बल्खु, खसीबजार, सीता पेट्रोल पम्प, पनिका, कुमारी क्लब, भगवती मन्दिर र त्रिभुवन विश्वविद्यालयको सबै कार्यालयहरुमा आज ६ घण्टा बत्ती जाने भएको छ ।

कीर्तिपुर फिडरअन्तर्गत त्रिभुवन विश्वविद्यालय परिसरमा ११ केभी क्षमताको लाइनको काम गर्नुपर्ने भएकाले बिहान ११ बजेदेखि बेलुकी ५ बजेसम्म बत्ती जाने नेपाल विद्युत प्राधिकरणले जनाएको छ ।
कीर्तिपुर फिडरअन्तर्गत नाङ्गो तार हटाएर कभर कन्डक्टर राख्नेलगायतका काम गर्नुपर्ने भएकाले त्यस क्षेत्रमा लाइन काटेर काम गर्न लागिएको प्राधिकरणले जनाएको छ ।