आइतबार ६६ जना कोरोना संक्रमित थपिए, ५८ जना डिस्चार्ज

काठमाडौं । पछिल्लो २४ घण्टामा ६६ जना कोरोना संक्रमित थपिएका छन् । स्वास्थ्य तथा जनसंख्या मन्त्रालयका अनुसार योसँगै नेपालमा कोरोना संक्रमितको संख्या २ लाख ७४ हजार ७ सय २१ पुगेको छ ।

आइतबार ५८ जना संक्रमित डिस्चार्ज छन् । हालसम्म नेपालमा कोरोना निको हुनेको संख्या २ लाख ७० हजार ८ सय ८६ पुगेको स्वास्थ्य मन्त्रालयले जनाएको छ ।

देशभर ८ सय २५ जना संक्रमित आइसोलेसनमा रहेका छन् भने ५३ जना क्वारेन्टाइनमा रहेको मन्त्रालयले जनाएको छ । हालसम्म नेपालमा २१ लाख ९२ हजार ८ सय ३६ पीसीआर परीक्षण भएका छन् ।