लिभरपुल च्याम्पियन्स लिगको अन्तिम आठमा प्रवेश

एजेन्सी । इंग्लिस क्लब लिभरपुल युइएफए च्याम्पियन्स लिगको क्वाटरफाइनलमा प्रवेश गरेको छ । वुधबार राति भएको अन्तिम १६ को दोस्रो लेगमा आरबी लेइपजिंगलाई २–० अन्तरले पराजित गरेको थियो ।

समग्रमा लिभरपुल ४–० गोल अन्तरको जीत दर्ता गर्दै अन्तिम आठमा स्थान पक्का गर्न सफल रह्यो । वुधबार रातिको खेलमा लिभरपुललाई जिताउनका लागि मोहमद सलाह र साडियो मानेले एक एक गोल गरेका थिए ।

घरेलु मैदानमा लिभरपुलले अग्रता लिन भने ७० औं मिनेट कुर्नु परेको थियो । सलाहले गोल गर्दै लिभपुललाई शुरुवाती अग्रता दिलाएका थिए ।

त्यसको चार मिनेट पछि मानेले गोल थपेपछि लिभरपुल दोस्रो लेगमा पनि २–० गोल अन्तरले विजयी भयो । पहिलो लेगमा पनि लिभरपुलले यही नतिजा आत्मसाथ गरेको थियो ।