ओलीले शक्ति दुरुपयोग गरी सबैमाथि खड्ग चलाउँदै छन् : भट्टराई
काठमाडौं । पूर्वप्रधानमन्त्री डा बाबुराम भट्टराईले प्रधानमन्त्री केपी शर्मा ओलीले सबैमाथि खड्ग चलाएको आरोप साँधेका छन् । उनले राज्य र पार्टीको सम्पूर्ण शक्तिको दुरुपयोग गरी ओलीले सबैमाथि खड्ग चलाएको आरोप लगाएका हुन् । सामाजिक सञ्जाल ट्वीटरमा ट्वीट गर्दै भट्टराईले ओली हिटलर शैलीमा सत्ता चलाइरहेको बताएका छन् ।
आफूविरुद्ध बोल्ने सबैलाई क्रमशः तह लगाउने काम गरिरहेको भन्दै उनले यसकाविरुद्ध बोल्न डराउन नहुने तर्क राखेका छन् ।
उनले सो ट्वीटमा हिटलरको प्रसंगसमेत उप्काएका छन् । भट्टराईले ट्वीटरमा लेखेका छन्, ‘पहिले उनीहरू यहुदीविरूद्ध जाइलागे, म बोलिनॅ । किनकि म यहुदी थिइन्,अन्त्यमा उनीहरू मविरुद्ध आइलागे । कोही पनि बोलेन । किनकि कोही पनि बॉकी थिएन’ । नेपाली हिट्लरको उदय त्यसरी नै भैरहेछ, जसले पार्टी, राज्यको शक्ति आफुमा केन्द्रित गरेर सबैमाथि खड्ग चलाउॅदैछ । होशियार ’
शनिबारको एमाले संसदीय दल र केन्द्रीय समिति बैठकले विधान संशोधन गरेर प्रधानमन्त्री ओलीलाई थप शक्ति दिने निर्णय गरेको थियो । सो निर्णयप्रति लक्षित गरेर जनता समाजवादी पार्टीका संघीय परिषद अध्यक्ष समेत रहेका भट्टराईले ओली प्रवृत्तिविरुद्ध टिप्पणी गरेका हुन् ।
प्रतिक्रिया