छात्रामाथि अभद्र व्यवहार गर्ने शिक्षक पक्राउ

मकवानपुर । छात्रामाथि अभद्र व्यवहार गर्ने शिक्षक पक्राउ परेका छन् । मकवानपुर जिल्लाको मकवानपुरगढीबाट आफ्नै विद्यालयमा अध्ययनरत छात्रालाई अभद्र व्यवहार गरेको आरोपमा बुधबार प्रहरीले शिक्षक किरण पाण्डेलाई पक्राउ गरेको हो । मकवानपुरगढी गाउँपालिका–३ मक्रान्चुलीस्थित भानु माविका शिक्षक पाण्डे आफूमाथि अभद्र व्यवहार गरेको उजुरी दर्ता गराएपछि पक्राउ गरिएको हो ।

तीन छात्राले जिल्ला प्रहरी कार्यलय मकवानपुरमा गरेर अनुसन्धान शुरु गरिएको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए । पाण्डेलाई पक्राउ गरेर अभद्र व्यवहार मुद्दामा जिल्ला प्रशासन कार्यालयबाट अनुसन्धानका लागि सात दिनको म्याद थप गरी अनुसन्धान थालिएको नायब उपरीक्षक रिमालको भनाइ छ ।