मंगलबार, चैत ६, २०८०

भारतमा एकैदिन कोरोना संक्रमित थपिने र मृत्यु हुने संख्या सर्वाधिक

नेपालखोज २०७८ वैशाख २३ गते ९:१५

काठमाडौं । भारतमा एकै दिनमा कोरोना संक्रमित थपिने र मृत्यु हुनेको संख्या अहिलेसम्मकै धेरै रेकर्ड भएको छ । पछिल्लो २४ घण्टामा हालसम्मकै धेरै ४ लाख १२ हजार कोरोना संक्रमित थपिए भने करिव ४ हजारको मृत्यु भएको हो ।

यो हालसम्मकै उच्च संख्या हो । यसअघि अप्रिल ३० मा पहिलो पटक एकैदिन संक्रमितको संख्या ४ लाख पार गरेको थियो ।

यसअवधिमा ४ लाख १२ हजार ६ सय १८ जनामा संक्रमण पुष्टि हुँदा ३ हजार ९ सय ८२ जनाको कोरोना संक्रमणबाट मृत्यु भएको ओल्डोमिटरले जनाएको छ ।

योसहित भारतमा कुल संक्रमितको संख्या २ करोड १० लाख ७० हजार पुगेको छ। मृतकको संख्या २ लाख ३० हजार नाघेको छ। उत्तर प्रदेश, कर्नाटका, हरियाणा, पञ्जाब, तमिलनाडु र महाराष्ट्र राज्यमा धेरै संक्रमितको मृत्यु भएको छ ।

प्रतिक्रिया