सुनकाे मूल्य बढ्याे, चाँदीकाे कतिमा हुँदै छ कराेबार ?

काठमाडौं । नेपाली बजारमा आज (मंगलबार) सुनचाँदीकै भाउ बढेकोे छ । आज सुन प्रतितोला तीन सय रुपैयाँले बढेको हो ।

छापावाल सुन आज प्रतितोला ९४ हजार एक सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

अघिल्लो दिन छापावाल सुन तोलाको ९३ हजार आठ सय रुपैयाँमा कारोबार भएको थियो । त्यस्तै महासंघका अनुसार आज तेजाबी सुनको मूल्य ९३ हजार छ सय रुपैयाँ कायम भएको छ ।

त्यसैगरी चाँदीको मूल्य आज ५ रुपैयाँले बढेको छ । चाँदी आज तोलाको १३ सय ५५ रुपैयाँमा कारोबार भइरहेको महासंघले जनाएको छ । हिजो चाँदी १३ सय ५० रुपैयाँमा कारोबार भएको थियो ।