काबुल विमानस्थलमा पुन: हमला हुनसक्ने बाइडेनकाे चेतावनी
नेपालखोज
२०७८ भदौ १३ गते १०:५०
काठमाडाैं । अमेरिकी राष्ट्रपति जो बाइडेनले काबुल विमानस्थलमा पुन हमला हुन सक्ने चेतावनी दिएका बीबीसीले जनाएकाे छ । बाइडेनले अमेरिकी कमान्डरहरूले आफूलाई चाँडोमा आइतबार नै पनि त्यस्तो हमला हुन सक्ने जानकारी दिएको बताएका छन् ।
अमेरिकी विदेश मन्त्रालयले अमेरिकी नागरिकलाई खतरा रहेकाले विमानस्थल क्षेत्रबाट बाहिर रहन भनेको छ । अमेरिका आफ्ना नागरिकलाई अफगानिस्तानबाट स्वदेश फर्काउने काम गरिरहेको छ ।
ब्रिटेनले भने आफ्ना सैनिकहरू र अधिकारीहरूलाई स्वदेश फर्काइसकेको छ । गत बिहीवार विमानस्थल नजिकै भएको एक आत्मघाती हमलामा कम्तीमा १७० जनाको ज्यान गएको थियो । बीबीसी
सम्बन्धित
प्रतिक्रिया