नेकपा एकीकृत समाजवादीको केन्द्रीय कमिटी बैठक आज पनि

काठमाडौं । मंगलबारबाट सुरु भएको नेपाल कम्युनिष्ट पार्टी (एकीकृत समाजवादी)को केन्द्रीय कमिटी बैठक आज पनि बस्दैछ ।

दोस्रो दिन पार्टी अध्यक्ष माधवकुमार नेपालले पेस गरेको राजनीतिक प्रस्तावमाथि समूहगतरूपमा छलफल हुनेछ । बैठक बुद्धनगरस्थित क्वालिटी बैंक्वेटमा विहान ११ बजे बस्नेछ ।

नेपालले बैठकमा पेस गरेको राजनीतिक प्रतिवेदनमाथि विभिन्न पाँच समूह बनाई छलफल गर्न लागिएको बताइएको छ । बैठकमा पार्टीका विभिन्न विभाग, जनवर्गीय सङ्गठन, सम्बन्धित आयोगका गठन, विस्तार र सुदृढीकरणलगायत विषयमा पनि छलफल हुनेछ ।