चौबीस घण्टामा थपिए १,४७६ संक्रमित, १,५५० डिस्चार्ज

काठमाडौं । नेपालमा गत चौबीस घण्टामा १ हजार ४७६ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरका विभिन्न प्रयोगशालामा गरिएको १० हजार ५७५ जनाको पीसीआर परीक्षणमा १ हजार १०३ र ५ हजार ११५ जनाको एन्टिजेन विधिबाट गरिएको परीक्षणमा ३७३ जनामा गरि कुल १ हजार ४७६ जनामा कोरोना पुष्टि भएको हो ।

योसँगै कोरोना संक्रमितको कुल संख्या पीसीआर विधिबाट ७ लाख ८९ हजार ८७२ र एन्टीजेन विधिबाट ९० हजार २८० पुगेको छ । हाल देशभर सक्रिय संक्रमितको संख्या २० हजार २८७ रहेको छ ।

त्यस्तै, गत चौबीस घण्टामा देशभरबाट १ हजार ५५० जना कोरोना संक्रमणमुक्त भएको मन्त्रालयले जानकारी दिएको छ । योसँगै कोरोना संक्रमण मुक्त हुनेको कुल संख्या ७ लाख ५८ हजार ५०४ पुगेको छ । नेपालमा संक्रमण मुक्त हुने दर ९६ दशमलव ३ प्रतिशत रहेको छ ।

त्यस्तै गत चौबीस घण्टामा थप ९ जना कोरोना संक्रमितको मृत्यु भएको छ । योसँगै मृत्यु हुनेको कुल संख्या ११ हजार ८१ पुगेको छ ।