चीनको सिचुवानमा पहिरो जाँदा सयौं बेपत्ता

काठमाडौं । दक्षिणपश्चिम चीनको सिचुआन प्रान्तमा पहिरो जाँदा सयौं व्यक्ति वेपत्ता भएका छन् ।

सिचुआन प्रान्तको तियानक्वान काउन्टीमा भारी वर्षाका कारण आइतबार बिहान गएको पहिरोमा गएको हो । बिहान १० ः २० बजेसम्ममा चार जनाको मात्रै उद्धार भएको थियो ।

तियानक्वानको आपत्कालीन व्यवस्थापन मुख्यालयका अनुसार उद्धार गरिएका मध्ये दुई जना सामान्य घाइते भएका छन् भने अर्का एक जना अचेत अवस्थामा छन् ।

तियानक्वानको प्रशासन हेर्ने यान सिटीको आपत्कालीन व्यवस्थापन ब्युरोका अनुसार ती चार जना स्थानीय निर्माण स्थलको अस्थायी छाप्रो भित्र थिए ।

आइतबार बिहान पहिरोमा परी मानिस बेपत्ता भएको खबर पाएपछि प्रान्तले विभिन्न शहरहरूबाट १०० भन्दाबढी मानिसहरूलाई उद्धारका निम्ति तियानक्वान पठाइएको छ ।