ईपीएल : काठमाडौंद्वारा चितवनलाई १४२ रनको चुनौती

काठमाडौं । एभरेष्ट प्रिमियर लिग (ईपीएल) मा काठमाडौंले चितवनलाई १ सय ४२ रनको लक्ष्य दिएको छ ।

टस हारेर पहिले ब्याटिङ गरेको काठमाडौं किंङ्सले निर्धारित २० ओभरको खेलमा ८ विकेट गुमाउँदै चितवन टाइगर्सलाई १ सय ४२ रनको लक्ष्य दिएको हो । काठमाडौंका सुवास खकुरेलले सर्वाधिक ३५ रन बनाएका छन् । उनले २ चौका र २ छक्का प्रहार गरे ।

यस्तै राजु रिजालले २० बलमा २८ रन र जनक प्रकाशले २६ रनको योगदान दिए । खेल कीर्तिपुरस्थित टियू मैदानमा जारी छ ।