ईपीएल : आज भैरहवा र चितवन तथा पोखरा र काठमाडौं खेल्दै

काठमाडौं । एभरेष्ट प्रिमियर लिग क्रिकेट ईपीएलमा आज दुई खेल हुँदै छ । विहान हुने पहिलो खेलमा भैरहवा ग्लाडियटर्स र चितवन टाइगर्स आमने–सामने हुनेछन् ।

खेल विहान साढे ९ बजे हुनेछ । यस्तै दिउँसो साढे १ बजे हुने दोस्रो खेलमा काठमाडौं किंग्स इलाभेन र पोखरा राइनोज भिड्ने छन् ।

चितवन लगातार चार खेलमा जित निकाल्दै प्ले अफमा पुगेको छ । भैरहवा ४ अंकसहित तालिकाको तेस्रो स्थानमा छ ।

काठमाडौंले ३ खेलबाट जम्मा २ अंक जोडेको छ । आजको खेलमा पराजित भए काठमाडौंको प्ले अफ यात्रामा पनि लगभग लगभग पूर्णविराम लाग्ने छ । पोखरा ४ खेलबाट ५ अंक जोड्दै दोस्रो स्थानमा रहेको छ । पोखराको प्ले अफ यात्रा पक्का भइसकेको छ ।