सुनको मूल्य घट्यो, आजको भाउ कति ?

काठमाडौं । नेपाली बजारमा आज (बुधबार) सुनको मूल्य घटेको छ । छापावाल सुन आज प्रतितोला ४ सय रुपैयाँले घटेर ८९ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।

अघिल्लो दिन सुन ९० हजार ३ सयमा कारोबार भएको थियो । त्यस्तै महासंघका अनुसार आज तेजाबी सुनको मूल्य पनि ४०० ले नै घटेको छ । आज तेजावी सुन ८९ हजार ४ सय ५० रुपैयाँमा कारोबार भइरहेको छ । हिजो तेजाबी सुन ८९ हजार ८ सय ५० रुपैयाँमा कारोबार भएको थियो ।

त्यसैगरी आज चाँदीको मूल्य स्थिर छ । चाँदी आज तोलाको १ हजार १ सय ६० रुपैयाँमा कारोबार भइरहेको महासंघले जनाएको छ । हिजो पनि चाँदी सोहि मूल्यमा कारोबार भएको थियो ।