मुगुमा बस दुर्घटना : २३ जनाको मृत्यु, १५ जना घाइते

मुगु । मुगुमा बस दुर्घटना हुँदा २३ जनाको मृत्यु भएको छ, अन्य १५ जना घाइते भएका छन् । मुगुको छायाँनाथ रारा नगरपालिका–७ मा बस दुर्घटनामा परेको हो ।

नेपालगन्जबाट मुगुको गमगढी जाँदै गरेको बस पिना झ्यारीखोलामा दुर्घटना भएको हो । घटनास्थलमा उद्धार गर्न प्रहरी टोली खटिएको छ । अहिले उद्धारको काम भइरहेको छ ।

दसैँमा घर जाने यात्रु बोकेको बस सडकबाट निकै तल खसेको प्रहरीको भनाइ छ । घटनाबारे थप विवरण आउन बाँकी छ ।