प्रदेश १ को पहाडी भू-भागमा वर्षाको सम्भावना, आवश्यक सतर्कता अपनाउन महाशाखाकाे अनुराेध

काठमाडाैं । जल तथा माैसम पूर्वानुमान महाशाखाका अनुसार हाल नेपालमा उल्लेखनीय मौसमी प्रणाली छैन । अहिले देशको पहाडी भू-भागमा आंशिक  बदली रहेको र बाँकी भू-भागमा मौसम सामान्यतया सफा रहेको माैसम विभागले जनाएकाे छ ।

आज दिउँसो प्रदेश नं १ लगायत अन्य पहाडी भू-भागहरूमा आंशिक बदली र बाकी भू-भागमा मौसम सामान्यतया सफा रहने छ । प्रदेश १ को पहाडी भू-भागको एक/दुई स्थानमा हल्का वर्षाको सम्भावना रहेको छ ।

प्रदेश नं १, वाग्मती प्रदेश र गण्डकी प्रदेशको उच्च पहाडी तथा हिमाली भू-भागका एक-दुई स्थानहरुमा हल्का हिमपातको संभावना रहेको विभागले जनाएकाे छ ।

आज राती प्रदेश १, वाग्मती, गण्डकी तथा लुम्बिनी प्रदेशको पहाडी भू-भागहरुमा आंशिकदेखि सामान्य बदली रही बाँकी भू-भागमा मौसम सामान्यतया सफा रहने छ । प्रदेश १, वाग्मती प्रदेश र गण्डकी प्रदेशको उच्च पहाडी तथा हिमाली भू-भागहरुका एक/दुई स्थानहरुमा हल्का हिमपातको संभावना रहेको छ ।

वर्षा र हिमपातको संभावना रहेको स्थानमा आवश्यक सतर्कता अपनाउन महाशाखाले अनुराेध गरेकाे छ ।