नेपाली कांग्रेस केन्द्रीय समितिमा आज १० जना मनोनीत

काठमाडौं । नेपाली कांग्रेस केन्द्रीय कार्यसमितिमा १० जना मनोनीत गरिएका छन् । कांग्रेस सभापति सभापति शेरबहादुर देउवाले १० जनालाई केन्द्रीय सदस्यमा मनोनीत गरेका हुन् ।

मनोनीत कांग्रेस केन्द्रीय सदस्यहरूमा रामचन्द्र पौडेल, सुजाता कोइराला, उमा रेग्मी, मीनबहादुर विश्वकर्मा, विमलेन्द्र निधि, विजयकुमार गच्छदार, प्रकाशमान सिंह, कृष्णप्रसाद सिटौला, डा. प्रकाशशरण महत, डा. नारायण खड्का रहेका छन् ।

निधि र सिंह महाधिवेशनमा सभापातिका उम्मेदवार थिए भने पौडेल, सिटौला, खड्का, रेग्मी र विश्वकर्माले उम्मेदवारी दिएका थिएनन् । गच्छदार र कोइराला उपसभापति पदका पराजित उम्मेदवार हुन् ।

महत महामन्त्रीमा पराजित उम्मेदवार हुन् । नेपाली कांग्रेसको विधानमा ३३ जना केन्द्रीय सदस्य सभापतिले मनोनयन गर्ने प्रावधान छ ।