बिहीबार, जेठ १२, २०७९

टी-ट्वान्टी वर्ल्ड कप १६ अक्टोबरदेखि सुरू हुने

नेपालखोज २०७८ माघ ७ गते ९:४५

काठमाडाैं । इन्टरनेशनल क्रिकेट काउन्सिल (आईसीसी)ले टी-ट्वान्टी वर्ल्ड कप-२०२२ को शेड्यूल जारी गरेको छ । अस्ट्रेलियामा हुने वर्ल्ड कपको उद्घाटन १६ अक्टोबरका दिन हुनेछ भने सुपर-१२ को खेल २२ अक्टोवरदेखि खेलिनेछ । जसमा अस्ट्रेलिया र न्युजील्यान्ड आपसमा भिड्ने छन् ।

यो प्रतियोगिता १३ नोमेम्भरसम्म लगभग एक महिना चल्नेछ । वर्ल्ड कपका खेलहरु मेलबर्न, सिड्नी, ब्रिस्बेन, एडिलेड, होबर्ट, पर्थ तथा गीलोन्गमा खेलिनेछ । यो प्रतियोगिताको उदघाटन खेलमा २०२१ को बिजेता श्रीलंकाले नामिबियाको सामना गर्नेछ ।

ग्रुप-‘ए’मा इंग्ल्यान्ड, न्यूजील्यान्ड, अस्ट्रेलिया, अफगानिस्तान रहेका छन् भने ग्रुप-‘बि’मा भारत, पाकिस्तान, दक्षिण अफ्रिका, बांगलादेश रहेका छन् । फाइनल खेल भने १३ नोमेम्बर आइतबार हुने छन् भने सेमिफाइनल ९ नोमेम्भरका दिन सिड्नी तथा १० नोमेम्भरका दिन एडिलेडमा हुनेछ ।

प्रतिक्रिया