शुक्रबार, जेठ ११, २०८१

युवाहरुलाई सीपमूलक तालिममा आकर्षित गरिँदै

नेपालखोज २०७८ फागुन १९ गते १६:५०

काठमाडौं । युवाहरुलाई सिपमुलक तालिम दिने उद्देश्यका साथ अल–हैल व्यवसायिक तालिम तथा सांस्कृतिक केन्द्र भवनको निर्माण हुने भएको छ । काठमाडौं महानगरपालिका वडा नं. ४ टुसालमा निर्माण हुन लागेको अल–हैल व्यवसायिक तालिम तथा सांस्कृतिक भवन केन्द्रको आज शहरी विकास मन्त्री रामकुमारी झाँक्रीले शिलान्यास गरेकी हुन् ।

नेपालस्थित कतारी राजदूत युसुफ महम्मद अल हैलको विशेष पहलमा कतार च्यारेटीले करिब ४ करोड रुपैयाँ लगानीमा सो भवन निर्माण गर्न लागेको कतार च्यारेटीका नेपाल डाइडेक्टर इरसाद अली शेखले बताउ ।

सो भवन निर्माणका लागि समाजसेवी सुलेमान गुरुङले २३ आना जग्गा दान गरेको उनले जानकारी दिए । भवन निर्माण भएपश्चात युवाहरुलाई विभिन्न सिप विकास तालिम तथा क्षमता अभिवृद्धि तालिमहरु दिइने उनले स्पष्ट पारे । भवन शिलान्यास गर्दै शहरी विकास मन्त्री रामकुमारी झाँक्रीले भवन निर्माणको कामले सफलता र गति प्राप्त गर्ने विश्वास व्यक्त गरे ।

प्रतिक्रिया