सोमबार, जेठ १४, २०८१

युवा तथा साना व्यवसायी स्वरोजगार कोषको १३ बर्षमा सावा ११ अर्ब लगानी

नेपालखोज २०७८ फागुन १९ गते १९:३२

काठमाडौं । युवा तथा साना व्यवसायी स्वरोजगार कोषले १३ बर्षको अवधिमा ११ अर्ब ९ करोड ४७ लाख ३५ हजार रुपैयाँ लगानी गरेको छ । कोषले स्थापना कालदेखि २०७८ को पुससम्ममा कुल १३ हजार ७ सय ६५ जनालाई ११ अर्ब ९ करोड ४७ लाख ३५ हजार रुपैयाँ लगानी गरेको हो ।

बिहीबार कोषको १३ औं वार्षिकोत्सव कार्यक्रमको अवरसमा आयोजीत पत्रकार सम्मलेनमा कोषका कार्यकारी निर्देशक बिश्वमोहन अधिकारीले हालसम्म विपन्न वर्ग कर्जामा कुल ३ अर्ब ८२ करोड २ लाख ८३ हजार २ सय ६६ रुपैयाँ लगानी भएको जानकारी दिए । उनले कोषले १ हजार ९ सय ६८ सहकारी तथा २६ बैंक तथा वित्तीय संस्थामार्फत लगानी गरी ८३ हजार ४ सय ९ जना स्वरोजगार सृजना गरेको पनि जानकारी दिए ।

त्यस्तै, ४२ हजार ५ सय ६३ जनालाई अभिमुखिकरण तालीम दिएको, ५ हजार ८० जनालाई अनुशिक्षण तालिन दिएका पाि जानकारी दिए । यसका साथै, १३ हजार ७ सय ६५ जनालाई व्याज अनुदान वितरण गरेकामा १५ करोड ३३ लाख ५ हजार ४९ रुपैयाँ व्याज अनुदान भुत्तानी भएको पनि बताए । नियमितरूपमा सावाँ ब्याज भुक्तानी गर्ने व्यवसायीलाई ६० प्रतिशत ब्याज अनुदान प्रदान गर्ने व्यवस्था रहेको छ ।

कोषका कार्यकारी निर्देशक अधिकारीले ३८ हजार १ सय ३९ जनालाई वितरण गरिएको कर्जा व्यवस्थापन शुल्कबाट एक करोड ९० लाख ६९ हजार ५ सय रुपैयाँ भुक्तानी भएको र १ हजार ६१ जनालाई ६ करोड २४ लाख ४८ हजार ५ सय ४५ रुपैयाँ बिमा क्षतिपुर्ति उपलबध्ध गराएको पनि जानकारी दिए ।

कार्यक्रममा कोषका कार्यकारी उपाध्यक्ष डा. देवराज रोका (कल्याण) ले सरकारका विभिन्न निकायले प्रदान गर्दै आएको यस्ता कोषलाई युवा तथा साना व्यवसायी स्वरोजगार कोषको छातामुनि राखेर कर्जा उपलब्ध गराउन आवश्यक रहेको बताए । उनले कोषका साथै बैंक तथा वित्तीय संस्था, सरकारका अन्य कोष, प्रदेश र स्थानिय सरकारबाट पनि स्वरोजगार क्षेत्रमा काम भएपनि कर्जा र व्याजदरको सिमामा एकरुपता नभएको बताए । उनले कर्जा र व्याजदरको सिमामा एकरुपता गर्न पनि अनुदानलाई बन्द गरेर युवा तथा साना व्यवसायी स्वरोजगार काषको माध्यमवाट यस्तो कर्जा वितरण गर्ने व्यवस्था गर्नुभपर्ने बताए ।

बेरोजगार युवाहरुलाई स्वरोजगारका अवसर सृजना गर्ने भन्दै २०६५ सालमा स्थापना कोषले पुँजीको अभावमा आफ्नो सीप, ज्ञान र प्रतिभा उपयोग गर्न नपाएका बेरोजगार १८ देखि ६० बर्ष उमेरका युवा तथा साना व्यवसायीहरुलाई बिनाधितो ऋण उपलब्ध गराउदै आएको छ ।

प्रतिक्रिया