सोमबार, जेठ १४, २०८१

अब जनकपुरमा पनि जावा मोटरसाइकलको डिलर

नेपालखोज २०७८ फागुन २३ गते १८:५१

काठमाडौं । नेपालका लागि क्लासिक लिजेन्ड्सको एकमात्र अधिकृत वितरक, अग्नि ग्रुपको सहायक कम्पनी अग्नि मोटोइंक प्रा. लि. ले थापाचोक, जनकपुरमा आफ्नो नयाँ डिलर भाष्कर एन्ड भाष्कर ईन्टरप्राईजेज प्रा. लि. को स्थापनासँगै सुसज्जित र पूर्ण रुपमा सञ्चालित जावा मोटरसाइकलको विशिष्ट शोरूम खोलेको छ ।

बिर्तामोड, धरान, इटहरी, विराटनगर, लहान, वीरगंज, नारायणघाट, पोखरा, बागलुङ, बुटवल, भैरहवा, नेपालगन्ज, सुर्खेत, दाङ र धनगढीका विभिन्न शाखा र डिलर भएका स्थानमा सुलभ रूपमा जावा मोटरसाइकलहरू उपलब्ध गराइसकेपछि जनकपुरमा नयाँ डिलर नियुक्तिसँगै पूर्ण सुसज्जित थ्रि एस शोरूम स्थापना गरेको हो ।

भाष्कर एन्ड भाष्कर ईन्टरप्राईजेज प्रा. लि. का प्रबन्ध निर्देशक श्रीमती विनय मनि शर्माको आमा माया देवी र मिस युनिभर्स नेपाल २०२१ तथा जावा मिस फियर्स सुजिता बस्नेतले सामूहिक रुपमा यस शोरुम उद्घाटन गरे । उद्घाटनका क्रममा अग्नि मोटोइंक प्रा. लि. का सेल्स हेड श्री प्रत्युष श्रेष्ठको भनाई अनुसार, ‘जावा मोटरसाइकल शहर बजारमा मात्र नभई हाईवेको यात्राका लागि पनि निकै आरामदायी र उपयुक्त छ । मोटरसाइकल पारखीले आफ्नो व्यक्तित्व अनुसार आफूलाई सुहाउँदो र मनपर्ने मोडलका जावा मोटरसाइकल सहजै पाउन सक्नुहुनेछ । अरुभन्दा फरक हुन चाहने, भीडमा आफ्नो छुट्टै पहिचान बनाउन खोज्ने र उच्चस्तरीय, आधुनिक टेक्नोलोजीको रेट्रो क्लासिक मोटरसाईकल चढ्न चाहाने सबैका लागि भनेजस्तै बाइक जावा नै हो । देशका विभिन्न स्थानहरुमा राम्रो प्रतिक्रिया पाईरहेको जावा मोटरसाइकलले जनकपुरका युवा तथा मोटरसाइकल प्रेमीहरुका बीच पनि सफलता हात पार्नेछ भन्नेमा हामी विश्वस्त छौँ ।’

भाष्कर एन्ड भाष्कर ईन्टरप्राईजेज प्रा. लि. का प्रबन्ध निर्देशक विनयमणि शर्माका अनुसार, ‘सांस्कृतिक तथा पर्यटकीय स्थल भनेर कहलिएको हाम्रो थातथलो, जनकपुरमा क्लासिक लिजेन्ड्सको जावा मोटरसाइकल ल्याउन पाउनु हाम्रा लागि निकै गौरवको कुरा हो । जनकपुर र यस वरिपरिका क्षेत्रका मोटरसाइकल प्रेमीहरूका लागि यी क्लासिक मोटरसाइकलहरू उपलब्ध गराउन पाउँदा हामी निकै उत्साहित भएका छौँ । जावा एक प्रमाणिक र प्रतिष्ठित ब्रान्ड हो, जसले निश्चित रूपमा मोटरसाइकल प्रेमीहरूको स्वायत्त चाहनालाई पूरा गर्नेमा म धेरै आशावादी छु र समय अनुरुप अझ फेसनेबल र बलियो निर्माण सुविधाहरुयुक्त बनेको जावा जनकपुरका ग्राहकहरुमाझ पनि छिट्टै नै लोकप्रिय हुनेमा विश्वस्त पनि छु ।’

मिस युनिभर्स नेपाल २०२१ तथा जावा मिस फियर्स, सुश्री सुजिता बस्नेतका अनुसार, ‘जावाले सधैं मलाई आकर्षक डिजाइन र कार्यकुशलताले मोहित बनाएको छ । जावा एक मोटरसाइकलमात्र नभई एक क्लास हो ! र यस कम्पनीसंग आवद्ध हुन पाउँदा एकदमै गौरभान्वित महसुस गरेको छु । मोटरसाइकल प्रेमीहरूले अब जावा, जावा फोर्टी–टु र फ्याक्ट्रीमा निर्मित बबर पेराक मोडलहरू समावेश भएका विभिन्न मोडलका जावा मोटरसाइकलहरू बुक गर्न र थापाचोक, जनकपुर आसपासका क्षेत्रमा टेस्ट राईडको सुविधा प्राप्त गर्न सक्नेछन् । ग्राहकहरुले थप जानकारी, बुकिङ्ग र टेस्ट राईडका लागि भाष्कर एन्ड भाष्कर ईन्टरप्राईजेज प्रा. लि. को सम्पर्क नम्बरहरु ९८४४४४४३२१ र ९८०१६१८८४७ मा सम्पर्क गर्न पनि सक्नेछन । साथै जावाका सबै मोडलहरु बीएस सिक्समा पनि उपलब्ध रहेका छन् ।

जावा मोटरसाइकलको बारेमा
जावा चेक गणतन्त्र, पूर्व चेकोस्लोभाकियाको ९० वर्षको विरासत बोकेको एक लोकप्रिय मोटरसाइकल ब्रान्ड हो, जुन आफ्नो स्वर्णिम समयमा १२० भन्दा बढी देशहरूमा क्लासिक, राम्रोसँग ईन्जिनियरिङ गरिएको र भिन्न स्वरूपका मोटरसाइकल निर्यात गरिएको थियो । यो सन् १९६० को प्रारम्भिक दशकमा भारतीय बजारमा प्रवेश गरेको थियो । जावा मोटरसाइकलको दोहोरो विशेषताहरू – यसको सुन्दर डिजाइन र बलियो प्रदर्शन चरित्रले यसले प्रयोगकर्ताहरूको मन जित्नमात्र सफल नभई विश्वका थुपै विश्व उपाधि पनि जितेको छ ।

प्रतिक्रिया