मंगलबार, जेठ १५, २०८१

ललितपुर महानगरपालिकामा उद्यमी महिला मेला संचालन हुने

नेपालखोज २०७८ फागुन २५ गते १८:१३

काठमाडौं । ललितपुर महानगरपालिकाका १६ नम्बर वडाको आयोजनामा उद्यमी महिला मेला हुने भएको छ । ललितपुर महानगरपालिका १६ नम्बर वडाको मुख्य भागमा अवस्थित नागबहालमा मेला फागुन २७, २८ र २९ गते सञ्चालन हुने भएको हो ।

महिला सशक्तिकरणको आधारः उद्यमशीलता र रोजगार भन्ने नाराका साथ नेपाल हस्तकला महासंघ, ललितपुर उद्योग वाणिज्य संघ, नागबहाल टोल सुधार समिति र इलाननी टोल सुधार समितिसँगको सहकार्यमा मेला आयोजना हुनेछ । स्थानीय महिला उद्यमी र व्यवसायीद्वारा उत्पादित र बिक्री वितरण गर्दै आएको सामग्रीको प्रवद्र्धन गरी महिला उद्यमशीलतालाई प्रवद्र्धन गर्ने मेलाको मुख्य उद्देश्य रहेको ललितपुर महानगरपालिका १६ नम्बर वडाका अध्यक्ष निर्मलरत्न शाक्यले बताए ।

उनले हस्तकला, संस्कृति, कलाकार, फोटोग्राफी, संगीत र समाजका विविध क्षेत्रमा क्रियाशील स्थानीय प्रतिभा पहिचान गर्ने र लुकेका प्रतिभा प्रस्फुटन गराउने मेलाको अर्को उद्देश्य रहेको उनले बताए । मेलामा स्थानीय महिला समूह र विभिन्न सहकारीहरुले उत्पादन गरेका काष्ठकला, गरगहना, कपडा, धातुका मूर्तिहरु, दैनिक प्रयोगका सामग्रीहरु, लत्ता कपडा र सजावटका सामग्रीहरु गरी ५ वटा स्टल रहनेछन् । हस्तकला सामग्रीहरु सहुलियत दरमा बिक्री गर्ने स्टलहरु पनि मेलाा रहने आयोजकले जनाएको छ ।

प्रतिक्रिया