चौबीस घण्टामा थप ८ जनामा कोरोना, २१० डिस्चार्ज

काठमाडौं । नेपालमा गत चौबीस घण्टामा थप ८ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट १ हजार ६९६ जनाको पीसीआर विधिबाट परीक्षण गर्दा ८ जनामा र ९५९ जनाको एन्टीजेन विधिबाट परीक्षण गर्दा एक जनामा पनि काेराेना देखिएन भने कुल ३८ जनामा संक्रमण पुष्टि भएको हो । नेपालमा हाल १ हजार ७५८ जना सक्रिय संक्रमित रहेका छन् ।

त्यस्तै, गत चौबीस घण्टामा थप २१० जना कोरोना संक्रमण मुक्त भइ डिस्चार्ज भएका छन् । योसँगै नेपालमा कोरोना संक्रमण मुक्त भइ डिस्चार्ज हुनेको कुल संख्या ९ लाख ६४ हजार ६०८ पुगेको छ । कोरोना निको हुने दर नेपालमा ९८ दशमलव ६ प्रतिशत पुगेको छ ।

गत चौबीस घण्टामा कोरोना संक्रमणबाट मृत्यु हुनेको संख्या सुन्य रहेको छ । योसँगै नेपालमा कोरोनाका कारण मृत्यु हुनेको कुल संख्या ११ हजार ९५१ पुगेको छ । गत चौबीस घण्टामा देशभरबाट थप ४७ हजार ७०१ जनाले कोरोना भाइरस विरुद्धको खोप लगाएका छन् ।