नेपाल बारको मतदान जारी

काठमाडौं । नेपाल बार एसोसिएसनको नयाँ नेतृत्व चयनको लागि मतदान जारी छ । मतदान आज बिहान आठ बजेदेखि जारी रहेको हो । काठमाडौँ केन्द्रसहित देशभर ३५ स्थानबाट एकसाथ मतदान प्रारम्भ भएको निर्वाचन आयोगले जनाएको छ । मतदान अपराह्न ४ बजेसम्म हुनेछ ।

बारमा अध्यक्षसहित ११ पदाधिकारी र सदस्य गरी २५ जनाको कार्यसमितिका लागि मतदान भइरहेको हो । ९ हजार ७०८ जना अधिवक्ता मतदानमा भाग लिने छन् । उपत्यकामा मात्रै पाँच हजार ७ सय र उपत्यका बाहिर तीन हजार ५ सय मतदाता छन् ।

बारमा अध्यक्षका लागि व्यक्तिगत रुपमा र समूहगत रुपमा गरी आठ जनाको उम्मेदवारी परेको छ । काठमाडौँ केन्द्रका लागि सर्वोच्च अदालत परिसरमा चार वटा बुथको व्यवस्था गरिएको छ ।