नेपालमा कोरोना सक्रिय संक्रमित संख्या ९ सयमा झर्‍यो

काठमाडौं । नेपालमा कोरोना भाइरसका सक्रिय संक्रमितको संख्या ९ सयमा झरेको छ । स्वास्थ्य तथा जनसंख्या मन्त्रालयका अनुसार गत चौबीस घण्टामा थप ९० जना कोरोना संक्रमण मुक्त भइ डिस्चार्ज भएसँगैै नेपालमा कोरोनाका सक्रिय संक्रमितको संख्या ९ सय ४२ मा झरेको हो ।

नेपालमा हाल कोरोना मुक्त भइ डिस्चार्ज हुनेको कुल संख्या ९ लाख ६५ लाख ५५९ पुगेको छ । नेपालमा कोरोना निको हुनेदर ९८ दशमलव ७ प्रतिशत रहेको छ ।

त्यस्तै, गत चौबीस घण्टामा थप ११ जनामा कोरोना भाइरस संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार देशभरबाट २ हजार ८३ जनाको पीसीआर विधिबाट परीक्षण गर्दा १० जना र १ हजार २७७ जनाको एन्टीजेन विधिबाट परीक्षण गर्दा थप १ जना गरि कुल ११ जनामा संक्रमण पुष्टि भएको हो ।

त्यस्तै, गत चौबीस घण्टामा थप ५६ हजार ९९३ जनाले कोरोना भाइरसविरुद्धको खोप लगाएका छन् ।