वाराणसीको भ्रमण पछि प्रधानमन्त्री देउवा स्वदेश फर्किँदै

काठमाडाैं । भारत भ्रमणमा रहेका प्रधानमन्त्री शेरबहादु देउवाले आज भारतको वाराणसीको भ्रमण गर्ने कार्यक्रम रहेको छ । विश्वनाथको दर्शनका साथ गंगा नदीको किनारमा अवस्थित पशुपतिनाथ मन्दिरको समेत दर्शन गर्ने कार्यक्रम रहेकाे छ ।

प्रधानमन्त्री देउवा आज बिहान नेपाली समयअनुसार सवा ९ बजे बनारस पुग्नेछन् । बनारस एयरपोर्टमा उनको स्वागत योगी आदित्यनाथले गर्ने जनाइएकाे छ ।

बाबा विश्वनाथको दर्शन एवं पूजनपछि प्रधानमन्त्री देउवानजिकैको पशुपतिनाथ मन्दिर पुग्ने कार्यक्रम छ । साे कार्यक्रम पछि देउवा तीन दिने औपचारिक भ्रमण सकेर आजै स्वदेश फर्किनेछन् ।

आज साँझ ६ः१० स्वदेश फिर्ता हुने कार्यक्रम रहेको परराष्ट्र मन्त्रालयले जनाएको छ । भारतीय प्रधानमन्त्री नरेन्द्र मोदीको निमन्त्रणामा १८ गते प्रधानमन्त्री देउवा ५० सदस्यीय टोलीको नेतृत्त्व गर्दै नयाँ दिल्ली प्रस्थान गरेको थिए ।