आईपीएल क्रिकेटमा लगातार गुजरातको दोस्रो जित

काठमाण्डौं । इन्डियन प्रिमियर लिग आईपीएलमा गुजरात टाइटन्सले जित निकालेको छ । हिजो बेलुकी भएकाे खेलमा गुजरातले दिल्ली क्यापिटल्सलाई १४ रनले पराजित गर्दै लगातार दोस्रो जित निकालेको हो ।

पुणेमा एक सय ७२ रनको लक्ष्य पछ्याएको दिल्लीले २० ओभरमा ९ विकेट गुमाएर एक सय ५७ रन मात्र बनायो । यसअघि टस हारेर पहिले ब्याटिङ गरेको गुजरातले २० ओभरमा ६ विकेट गुमाएर एक सय ७१ रन बनाएको हो ।

२ खेलमा २ जित निकालेको गुजरात ४ अंकका साथ तालिकाको तेस्रो स्थानमा छ । दिल्ली २ खेलमा १ जित र १ हारका साथ २ अंकका साथ तालिकाको चौथोे स्थानमा रहेको छ ।