आगामी वैशाख ९ गते ज्येष्ठ कम्युनिष्टलाई सम्मान गरिँदै

काठमाडौं । नेकपा एमालेले देशभरका ज्येष्ठ तथा वरिष्ठ कम्युनिष्ट नेताहरुलाई आगामी वैशाख ९ गते सम्मान गर्ने भएको छ । सो पार्टीले नेकपा स्थापनाको दिन पारेर सम्मान कार्यक्रम तय गरेको हो । यही चैत ९ र १० गते भएको एमाले केन्द्रीय कमिटीको तेस्रो बैठकले गरेको निर्णय हो ।

विभिन्न आन्दोलनमा योगदान गरेका नेताहरूलाई पनि सो दिन हरेक पालिकास्तरमै सम्मान गरिने जनाइएको छ । वि सं २००६ वैशाख ९ गते पुष्पलालको नेतृत्वमा नेकपा स्थापना भएको थियो ।