नेपाल खेलकुद पत्रकार मञ्चको अध्यक्षमा पुनः देवेन्द्र निर्वाचित

काठमाडौं । नेपाल खेलकुद पत्रकार मञ्च (एनएसजेएफ) को अध्यक्षमा पुनः दुर्गानाथ सुवेदी (देवेन्द्र) निर्वाचित भएका छन् । आज भएको एनएसजेएफको १७औं वार्षिकबाट सुवेदी आगामी तीन वर्षका लागि फेरि अध्यक्षमा निर्वाचित भएका हुन् ।

सुवेदीले ५८ मत प्राप्त गरेका थिए भने अध्यक्षका अर्का प्रतिस्पर्धी प्रकाश तिमल्सिनाले ३३ मत प्राप्त गरेका थिए। यस्तै प्रथम उपाध्यक्षमा निरन्जन अधिकारी, उपाध्यक्षमा सन्जिव शिल्पकार र गोविन्द रेग्मी, महासचिवमा प्रज्वल ओली, सचिवमा अन्जन खड्का र कोषाध्यक्षमा सुजन श्रेष्ठ निर्विरोध निर्वाचित भएका छन्।

खुला सदस्यमा निशाल राई, अनिल मल्ल ठकुरी र कुशल तिमल्सिना निर्वाचित भएका छन् । महिला सदस्यमा मुना कार्की निर्वाचित भएकी छन् । मञ्चका कुल सदस्य १ सय जना रहेकामा नेपालमा उपलब्ध भएका ९८ सदस्य मध्येबाट ९४ मत खसेको थियो ।